ಧರಣಿ ಮಂಡಲ ಮದ್ಯಧೋಳಗೆ
ಮೆರೆಯುತಿಹ ಕರುನಾಡ ದೇಶದೊಳಿರುವ
ಕಾಳಿಂಗನೆಂಬ ಗೊಲ್ಲನ ಪರಿಯ ನಾನೆಂತು ಪೇಳ್ವೆನು
ಎಳೆಯ ಮಾವಿನ ಮರದ ಕೆಳಗೆ
ಕೊಳನುದುತ ಗೊಲ್ಲ ಗೌಡನು
ಬಳಸಿ  ನಿಂದ  ಕರುಗಳನ್ನು

ಬಳಿಗೆ ಕರೆದನು ಹರುಷದಿ
ಗಂಗೆ ಬಾರೆ ಗೌರಿ ಬಾರೆ
ತುಂಗಭದ್ರೆ ತಾಯಿ ಬಾರೆ
ಪುಣ್ಯಕೋಟಿ ನೀನು ಬಾರೆ
ಎಂದು ಗೊಲ್ಲನು ಕರೆದನು

ಗೊಲ್ಲ ಕರೆದ ದನಿಯ ಕೇಳಿ
ಎಲ್ಲ ಹಸುಗಳು ಬಂದು ನಿಂದು
ಚೆಲ್ಲಿ ಸೂಸಿ ಹಾಲು ಕರೆಯಲು
ಅಲ್ಲಿ ತುಂಬಿತು ಬಿಂದಿಗೆ
ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕತೆಯಿದು

ಹಬ್ಬಿದ ಮಲೆ ಮಧ್ಯದೊಳಗೆ
ಅರ್ಭುತನೇನ್ ಎಂಬಿ  ವ್ಯಾಘ್ರನು
ಅಬ್ಬರಿಸಿ ಹಸಿಹಸಿದು ಬೆಟ್ಟದ
ಕಿಬ್ಬಿಯೊಳು ತಾನಿದ್ದನು

ಮೊರೆದು ರೋಷದಿ  ಗುಡುಗುತ ಹುಲಿ
ಭೋರಿಡುತ  ಚ್ಹಂಗನೆ  ಜಿಗಿದು
ನೆಗೆಯಲು ಚೆದರಿ ಹೋದವು ಹಸುಗಳು

ಪುಣ್ಯಕೋಟಿ ಎಂಬ ಹಸುವು
ತನ್ನ ಕಂದನ ನೆನೆದುಕೊಂಡು
ಮುನ್ನ ಹಾಲನು ಕೊಡುವೆನೆನುತ
ಚೆಂದದಿ ತಾ ಬರುತಿರೆ

ಇಂದೆನಗೆ ಆಹಾರ ಸಿಕ್ಕಿತು
ಎಂದು ಬೇಗನೆ ದುಷ್ಟ ವ್ಯಾಘ್ರನು
ಬಂದು ಬಳಸಿ ಅಡ್ಡಗಟ್ಟಿ
ನಿಂದನಾ ಹುಲಿರಾಯನು

ಮೇಲೆ ಬಿದ್ದು ನಿನ್ನನಿಗಲೇ
ಬಿಳಹೊಯ್ವೇನು ನಿನ್ನ ಹೊಟ್ಟೆಯ
ಸಿಳಿಬಿಡುವೇನು ಎನುತ ಕೋಪದಿ
ಖುಳ ವ್ಯಾಘ್ರನು ಕೂಗಲು

ಒಂದು ಬಿನ್ನಹ ಹುಲಿಯೇ ಕೇಳು
ಕಂದನಿರುವನು  ದೊಡ್ಡಿಯೊಳಗೆ
ಒಂದು  ನಿಮಿಷದಿ  ಮೊಲೆಯ  ಕೊಟ್ಟು
ಬಂದು  ಸೇರುವೆ  ನಿಲ್ಲಿಗೆ

ಹಸಿದ  ವೇಳೆಗೆ  ಸಿಕ್ಕಿದೊಡವೆಯ
ವಶವ  ಮಾಡದೇ  ಬಿಡಲು  ನೀನು
ನುಸುಳಿ   ಹೋಗುವೆ  ಮತ್ತೆ  ಬರುವೆಯ
ಹುಸಿಯ  ನುಡಿಯುವೆನೆಂದಿತು

ಸತ್ಯವೇ  ನಮ್ಮ  ತಾಯಿ  ತಂದೆ
ಸತ್ಯವೇ  ನಮ್ಮ  ಬಂಧು  ಬಳಗ
ಸತ್ಯ  ವಾಕ್ಯಕೆ  ತಪ್ಪಿ  ನಡೆದರೆ
ಮೆಚ್ಚನಾ  ಪರಮಾತ್ಮನು
ಸತ್ಯವೇ  ಭಗವಂತನೆಂಬ  ಪುಣ್ಯಕೋಟಿಯ  ಕತೆಯಿದು

ಕೊಂಡು  ತಿನ್ನುವೆನೆಂಬ  ಹುಲಿಗೆ
ಚೆಂದದಿಂದ  ಭಾಷೆ  ಕೊಟ್ಟು
ಕಂಡ  ನಿನ್ನನು  ನೋಡಿ   ಪೋಗುವೆ
ನೆಂದು  ಬಂದೆನು  ದೊಡ್ಡಿಗೆ

ಅರ  ಮೊಲೆಯನು  ಕುಡಿಯಲಮ್ಮ
ಅರ  ಬಳಿಯಲಿ  ಮಲಗಲಮ್ಮ
ಅರ  ಸೇರಿ  ಬದುಕಲಮ್ಮ
ಆರು  ನನಗೆ  ಹಿತವರು

ಅಮ್ಮಗಳಿರ   ಅಕ್ಕಗಳಿರ 
ಎನ್ನ ತಯೋಡ ಹುಟ್ಟುಗಳಿರ
ಕಂದ ನಿಮ್ಮವನೆಂದು  ಕಾಣಿರಿ
ತಬ್ಬಲಿಯನಿ  ಕರುವನು

ಮುಂದೆ ಬಂದರೆ ಹಾಯಬೇಡಿ
ಹಿಂದೆ ಬಂದರೆ ಒದೆಯಬೇಡಿ
ಕಂದ ನಿಮ್ಮವನೆಂದು ಕಾಣಿರಿ
ತಬ್ಬಲಿಯನಿ  ಕರುವನು

ತಬ್ಬಲಿಯು ನೀನಾದೆ ಮಗನೆ
ಹೆಬ್ಬುಲಿಯ ಬಾಯನ್ನು ಹೋಗುವೆನು
ಇಬ್ಬರ ಋಣ ತಿರಿತೆಂದು
ತಬ್ಬಿಕೊಂಡಿತು ಕಂದನ

ಸತ್ಯವೇ  ಭಗವಂತನೆಂಬ  ಪುಣ್ಯಕೋಟಿಯ  ಕತೆಯಿದು

ಗೋವು ಕರುವನು ಬಿಟ್ಟು ಬಂದು
ಸಾವಕಾಶವ  ಮಾಡದಂತೆ
ಗವಿಯ ಬಾಗಿಲ ಸೇರಿನಿಂತು
ತವಕದಲಿ ಹುಲಿಗೆಂದಿತು
ಖಂಡವಿದೆಕೋ ಮಾಂಸವಿದೆಕೋ
ಗುಂಡಿಗೆಯ  ಬಿಸಿರಕ್ತವಿದೆಕೋ
ಚಂದವ್ಯಘ್ರನೆ  ನಿನಿದೆಲ್ಲವ
ನುಂಡು  ಸಂತಸದಿಂದಿರು

ಪುಣ್ಯಕೋಟಿಯ  ಮಾತ  ಕೇಳಿ
ಕಣ್ಣನಿರನು  ಸುರಿಸಿ  ನೊಂದು
ಕನ್ನೆಯಿವಳನು  ಕೊಂಡು  ತಿಂದರೆ
ಮೆಚ್ಚನಾ  ಪರಮಾತ್ಮನು

ಎನ್ನ ಒಡಹುಟ್ಟಕ್ಕ ನೀನು
ನಿನ್ನ ಕೊಂದು  ಏನ ಪಡೆವೆನು
ಎನ್ನುತ ಹುಲಿ ಹರಿ ನೆಗೆದು
ತನ್ನ ಪ್ರಾಣವ ಬಿಟ್ಟಿತು

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕತೆಯಿದು

ಪುಣ್ಯಕೋಟಿಯ ನಲಿದು ಕರುವಿಗೆ
ಉಣ್ಣಿಸಿತು ಮೊಲೆಯ ಬೇಗದಿ
ಚೆನ್ನಗೊಲ್ಲನ ಕರೆದು ತಾನು
ಮುನ್ನ ತದಿಂತೆಂಡಿತು

ಎನ್ನ ವಂಶದ ಗೋವಗಲೋಳಗೆ
ನಿನ್ನ ವಂಶದ ಗೊಲ್ಲರೊಳಗೆ
ಮುನ್ನ ಪ್ರತಿ ಸಂಕ್ರಾಂತಿಯೊಳಗೆ
ಚೆನ್ನ  ಕೃಷ್ಹ್ಣನ  ಭಜಿಸಿರಿ....